Xalq artistinin villası satışa çıxarıldı

Mərhum Xalq artisti, tanınmış qarmon ifaçısı Aftandil İsrafilovun Novxanıda yerləşən bağ evi satışa çıxarılıb.
"Bakupost" xəbər verir ki, bununla bağlı elan sosial şəbəkədə paylaşılıb.
Bildirilib ki, sözügedən ev 1 milyon 150 minə təklif edilir.
Qeyd olunub ki, 20 sotda inşa edilmiş, ümumi sahəsin650 kvadratmetr olan 10 otaqdan ibarət villadır.
Xatırladaq ki, A.İsrafilov 1941-ci il yanvarın 24-də Bakı şəhərində anadan olub. İfaçılıq sahəsində öz dəst-xətti olan sənətkar yaratdığı musiqi parçaları ilə milyonların qəlbini fəth edib.
O, dinləyicilərin qəlbində silinməz izlər buraxmış “Zemfira”, “Kəmalə”, “Nazilə”, "Aynurə", "Jalə", "Basqalı" kimi 100-ə qədər musiqi havasının müəllifidir.
Mərhum sənətkar Azərbaycan ifaçılıq məktəbinin inkişafındakı müstəsna xidmətlərinə görə 1998-ci ildə Xalq artisti fəxri adına, 2016-cı ildə “Şöhrət” ordeninə layiq görülüb.
O, 2003-cü ildən Azərbaycan Respublikası Prezidentinin fərdi təqaüdçüsü idi.
Lalə, Bakupost