Qırğızıstanda qoç 1 milyon dollara satıldı

Şirəli ət və yağlı quyruğu ilə seçilən Araşan qoçu Qırğızıstanda 1 milyon dollara satılıb.
“Bakupost” xarici KİV-ə istinadən xəbər verir ki, heyvan 2023-cü ildə Qazaxıstandan 150.000 dollara alınan Frankel adlı qoçun nəslindəndir.
Qırğızıstan Kənd Təsərrüfatı Nazirliyinin məlumatına görə, əsas müqavilə Rusiya, Qırğızıstan, Qazaxıstan, Özbəkistan və Tacikistandan olan fermerlərin qatıldığı beynəlxalq festivalda bağlanıb. Tədbir Araşan cinsinin inkişafına həsr olunub.Bu cins 2021-ci ildən Qırğızıstanda rəsmi olaraq qeydiyyata alınıb. Onun yaradılmasına 1970-ci illərdə Çuy bölgəsindəki Maşın Sınaq Stansiyasında başlanılıb. Çarpazlaşdırma zamanı Tacikistandan gətirilən Hisar qoçları və yerli qaba yunlu qoyunlar iştirak edib.
Qırğızıstan Kənd Təsərrüfatı Nazirliyinin məlumatına görə, Araşan yüksək məhsuldarlığı ilə seçilən yumşaq, şirəli ət və yağlı quyruğu ilə tanınır. Cins yüksək hündürlük və düzənlik çöl şəraitinə uyğunlaşıb. Qoyunlar dözümlüdür, otlaqlarda uzun otlaq dövrlərinə, həmçinin tövlədə saxlanmağa da dözürlər.
Rüfət Sultan,BakuPost