Prezident seçkilərin ləğv olunduğunu elan etdi
21 Jul 2026, 11:05
20 baxış
Admin
Nikaraqua Prezidenti Daniel Ortega ölkədə bundan sonra seçkilərin keçirilməyəcəyini açıqlayıb.
“Bakupost” “Reuters”ə istinadla xəbər verir ki, o müxalifətin seçki yolu ilə hakimiyyətə gəlməsinə artıq imkan verilməyəcəyini bildirib.
Ortega çıxışında ABŞ-nin dəstəklədiyini iddia etdiyi siyasi qüvvələrin bir daha hakimiyyətə qayıtmasına icazə verməyəcəyini deyib. Ancaq seçkilərin hansı qaydada ləğv ediləcəyini açıqlamayıb.
Qeyd edək ki, Nikaraquada son prezident seçkiləri 2021-ci ildə keçirilib. Həmin seçkilərdən əvvəl bir çox müxalif siyasətçi həbs olunmuşdu və seçkilər beynəlxalq təşkilatlar tərəfindən azad və ədalətli hesab edilməmişdi.
Xanım Səbuhi,BakuPost
Mənbə:
bakupost.az
