Yılmaz Özdil AKP hakimiyyətinə Azərbaycan dərsi keçir -

Türkiyənin tanınmış jurnalisti Yılmaz Özdil Azərbaycan–Türkiyə münasibətlərində son vaxtlar yaşanan gərginliyə toxunaraq Ankara hakimiyyətinin siyasətini sərt tənqid edib.
"Bakupost" xəbər verir ki, Özdil Azərbaycanın Türkiyə üçün tarixi əhəmiyyətini, Qurtuluş savaşında göstərdiyi qardaşlıq dəstəyini, Atatürkə olan ehtiramını xatırladaraq çox təsirli fikirlər səsləndirib.
Türkiyənin Fələstin məsələsinə görə Azərbaycanla münasibətlərini zədələməsini doğru saymayan jurnalist deyib:
“İnsan belə bir qardaşla münasibətlərini pozarmı? Azərbaycan bir yana, dünya bir yana! Nə Fələstini?!”
Özdilin çıxışında verdiyi əsas mesaj budur:
Qəzzada öldürülən qadın və uşaqlara üzülmək başqa, qardaş Azərbaycanla münasibətlərə zərər vurmaq tamam başqa məsələdi…