Taksilərin ən bahalı olduğu şəhərlər

Fransanın paytaxtı Paris anti-reytinqdə birinci yeri tutub.

Məşhur turizm məkanlarında taksi qiymətlərinin adi haldan daha yüksək olduğu heç kimə sirr deyil.

News24.az xəbər verir ki, sığorta şirkəti ChoiceQuote tərəfindən aparılan yeni araşdırma, dünyada ən yüksək və ən aşağı taksi qiymətlərinə malik şəhərləri müəyyən edib.

Məlum olur ki, taksi xidmətləri ən bahalısı Parisdədir - Fransa paytaxtında beş mil məsafəli səyahətin (təxminən 8 kilometr) orta qiyməti 7,5 faiz çaypulu (çaypulu hesabdan əlavə olaraq otellərin, iaşə müəssisələrinin, bərbərlərin, taksi sürücülərinin və s. xidmət personalına könüllü olaraq verilən pul məbləği - "çay pulu kimi" – red.) da daxil olmaqla 29,12 funt sterlinq təşkil edir.

Anti-reytinqdə ikinci yeri 27.96 funt sterlinq ilə Böyük Britaniyanın paytaxtı London, üçüncü yeri isə orta taksi xidmətinin 24.57 funt sterlinq olduğu İtaliyanın ikinci ən böyük şəhəri Milan tutub.

Bu arada, Yaponiyanın üçüncü ən böyük şəhəri Osaka 8 kilometrlik taksi səfərinin qiyməti 24,06 funt sterlinq ilə dördüncü yerdə qərarlaşıb. Hollandiyanın paytaxtı Amsterdam isə orta hesabla təxminən 24 funt sterlinq qiymətlə ilk beşliyi tamamlayıb.

Taksi xidmətləri üçün ən ucuz şəhərlərə gəldikdə, Hindistanın ikinci ən böyük şəhəri Dehli orta hesabla 8 kilometrlik səyahət və 12,5 faiz çaypulu 2,06 funt sterlinq ilə birinci yerdə qərarlaşıb.

Misirin paytaxtı Qahirə 2.31 funt sterlinq taksi gediş haqqı ilə ikinci yerdə qərarlaşıb. Çaypulun verilməsi gözlənilmir və İndoneziyanın Bali adasının ən böyük şəhəri olan Denpasar orta hesabla 2.41 funt sterlinq  ilə üçüncü yerdə qərarlaşıb.

Hindistanın digər şəhəri olan Aqra orta hesabla 3.74 funt sterlinq  gediş haqqı ilə qiymət baxımından dördüncü yerdə qərarlaşıb. Onu Çinin ən çox əhalisi olan şəhəri Şanxay 4.14 funt sterlinq gediş haqqı ilə izləyir.

Eyni zamanda, ChoiceQuote araşdırması göstərib ki, tədqiq olunan yerlərin 86 faizində çaypulu məcburidir. Gözlənildiyi kimi, əlavə sürücülük haqqı üçün ən yüksək gözləntilər ABŞ-dadır - 17,5 faiz.

Sonrakı yer taksi sürücülərinin sərnişinlərdən 15 faiz çaypulu qoymasını gözlədiyi Cənubi Afrikadır.

Bu arada, Hindistan, Yunanıstan və Meksikada 12,5% çaypulu gözlənilir; Misir, Xorvatiya və Birləşmiş Krallıqda bu göstərici 10 faiz, Vyetnam, Türkiyə, Çexiya, İtaliya, Almaniya və Fransada isə 7,5 faiz təşkil edir.