Süni intellekt bazarı çökə bilər? - İnvestorlar buna diqqət etməlidir
19 Oct 2026, 15:18
19 baxış
Admin
“Oaktree Capital Management” şirkətinin həmsədri Hovard Marks süni intellekt investisiyalarının fond bazarında "köpük" yaratması ilə bağlı narahatlıqların hələlik qəti əsasının olmadığını bildirib.
“Bakupost” xəbər verir ki, “S&P 500” və “Nasdaq 100” indekslərinin qiymət-gəlir əmsalları bu il azalıb. Bu, hazırkı bazarın 2000-ci ildəki texnologiya "köpüyündən" fərqləndiyini göstərir.
Bununla belə, yüksək borclanma və süni intellekt investisiyalarının maliyyələşdirilməsində qarşılıqlı asılılıq riskləri artırır. “Nvidia”, “Apple” və “Microsoft” şirkətləri “S&P 500” indeksinin təxminən 21%-ni təşkil edir.
Marksın fikrincə, investorların mümkün "köpük" barədə açıq danışması risklərin fərqində olduqlarını göstərir və "köpüyün" miqyasını məhdudlaşdıra bilər.
Vüsalə Hüseynova,BakuPost
Mənbə:
bakupost.az
