Ərdoğan 3-cü dəfə prezidentliyə namizəd ola bilər

Türkiyə Prezidenti Rəcəb Tayyib Ərdoğan 2028-ci ildə keçiriləcək prezident seçkilərində istisna hal kimi üçüncü dəfə namizədliyini irəli sürə bilər.

News24.az yerli KİV-lərə istinadən xəbər verir ki, bu barədə prezidentin baş müşaviri Mehmet Uçum bildirib.

Onun sözlərinə görə, əgər parlament seçki gününün tarixini bir neçə həftə irəli çəkərək 2028-ci il aprelin 16-na təyin edərsə, Konstitusiyaya uyğun olaraq Ərdoğan yenidən namizəd olmaq hüququ qazanacaq.

Uçum qeyd edib ki, bu addım növbədənkənar seçki sayılmır və Türkiyə qanunvericiliyinə tam uyğundur.

O əlavə edib ki, 2028-ci il seçkiləri Ərdoğanın prezident postuna sonuncu dəfə namizəd olmasına imkan yarada bilər.